整體得分
外觀設計
3.9 星 (很好)
功能及特色
3.9 星 (很好)
操作及性能
3.9 星 (很好)
影像質素
3.9 星 (很好)
性價比
3.9 星 (很好)
平均得分 3.9 / 5 (由 12 個評分計算得出)
我要評分
發表心得
最新發表
最佳心得
最高評價
最低評價
展示第 1 - 10 項，共 12 項
Alex-Fai(2個心得)2022-07-11 13:58:23不推薦此產品使用了 3 年唔好再買HTC缺點:可以突然無支援!但HTC可以仍然出新手機?評價:完全被出賣!!!4人覺得這評論有幫助這篇評論對你有幫助嗎？有幫助 沒幫助
taiman13(3個心得)2018-08-01 02:39:21推薦此產品使用了 7 日 升級有感, 尚算不錯優點:6 gb ram, 128 gb rom 夠用有餘
相機質素超班，成像迫真自然，光亮度尚算不錯，細節完全可呈現出來
運作流暢，沒有嚴重lag情况，用戶體驗頗佳 (始終粒u係s835, 差極都有個譜)
背蓋色水係幾靚嘅
新版Sense UI更貼近android原生界面，少左好多無用內置apps
5.5吋芒唔算特別大，不過由於三天王鍵變成實體鍵，所以令到個芒可以盡用空間 (compare with其他旗艦)
續航力佳，夠省電，唔打機可撐一至兩日缺點:外型上的確唔好睇，尤其正面外觀設計不佳，有種山寨機feel
玻璃外殼易跌爛
屏佔比低
機身厚重
Mon唔夠AMOLED鮮艷
外放喇叭質素一般，但係音量尚算充足
冇3.5mm耳機孔評價:用過htc e9+，先不說粒MTK u，部機本身就小問題多多，講真對htc感覺並不良好
今次u11規格上誠意十足，小問題唔算多，其實都算叫做有所改善
家陣呢部機買返來實價約$3500，呢個價位算係好抵，但係如果$4300 up我就完全唔會考慮
Htc旗艦機定價每每過於進取，例如u11+現時仍然企穩$5000，實在不知道有何吸引力，唔怪之得銷售額每況愈下
希望htc盡早醒覺，唔好再自視過高，避過倒閉危機啦 !17人覺得這評論有幫助這篇評論對你有幫助嗎？有幫助 沒幫助sangno1(4個心得)2018-04-18 21:19:25持中性態度使用了 6 個月雙卡雙待時數據漫遊自動開著 產生費用優點:主相機真係好得缺點:重同大部
充電中呼吸燈不會提示有短訊
雙卡漫遊容易中漫遊數據陷阱評價:本人發現一個懷疑手機bug
U11 香港行貨, 軟件版本 2.42.400.6 Android 8.0.0 (己透過wifi更新至最新版本)
SIM 1: Smartone 香港本地sim卡
SIM 2: CSL Club SIM(已購買中國數據)
事源本人於2018年4月8日到中國內地公幹, 進入內地前已關掉行動數據, 並且只在SIM 2允許數據漫遊。進入內地後打開流動數據, 數分鐘後收到一個Smartone SMS, 指本人的電話號碼用了$4202數據漫遊費, 才知道SIM 1正在使用數據漫遊。
本人於4月10日回港, 由於覺得奇怪, 4月11日特地前往深圳測試手機, 拍下這段短片:
https://youtu.be/oKbLO4eqn0c
當手機在漫遊狀態時, 在只允許SIM2數據漫遊狀態下, 打開流動數據後, 手機會把SIM1同時允許數據漫遊, 本人是需要再次進SIM1/SIM2的版面檢查才會發現。
而當手機不在漫遊狀態下, 手機不會出現這問題, 這使本人預先在港練習的操作步驟不能奏效, 這明顯是手機軟件設計缺陷。在此, 本人認為本人已滿足基本謹慎責任, 在這情況下, 所產生的費用不應由本人負擔。
本人在4月13日致電HTC香港客戶服務熱線, 對方稱會使用廠方手機進行測試, 到4月18日仍未回覆本人。本人致電跟進, 對方郤稱需要我把手機交回, 本人擔心對方更改本人手機企圖逃避責任, 希望立此存照
想支持台灣廠商但軟件有待改進34人覺得這評論有幫助這篇評論對你有幫助嗎？有幫助 沒幫助
mhk26tt(42個心得)2017-10-28 10:25:43推薦此產品使用了 1 個月開心使用，開心攝影優點:買了藍色，電藍色的確有型
Mon色靚，冇華為咁偏色
造工扎實，背面有埋玻璃，又有IP67防水，我加埋SGP全包套安全感極佳
手感佳，冇以前揸華為時咁辛苦，重量平衡亦佳，依家單手whatsapp錄音同影相都好舒服，以前用華為就唔多得，華為重量太傾向上半部
有wifi call，平日話音亦清晰，雖然不及我放棄了的XZ1
相機真係堅，原生軟件調較偏暗，XDA師兄提供的Google Camera HDR+將呢部機的攝力推上頂峰，令我忘記了手上的X100F同A7ii，防震好堅缺點:3.5mm耳機孔被刪，用原裝Type C耳機較食電同唔方便，低電量時聽歌驚聽到冇電，加上市面上未有耳機用Type C插，帶個轉接器出去又易唔見
原裝耳機降噪能力麻麻
原生介面唔靚，我轉用了Action Launcher Pixel版
功能同華為比真係冇得比，華為有自動連接家中wifi，cap圖又可以選捲動cap全個網頁，HTC冇呢類功能評價:本身用緊華為P10+大半年，身痕又想搵下新玩具，最初買了XZ1，但真係唔識欣賞，上網慢影相又徒氣，XDA的Google Camera HDR+又裝唔到，玩了一星期XZ1就氣餒換U11，我都後悔當初應該直買U11
換了U11後真心冇後悔，同用開的華為比，華為係功能上確實係優勝，好多常用的功能都唔使花時間搵，但聽歌、影相、通話真係冇得同大廠比。華為聽歌係大聲，但成日沙聲又冇低音，P10+影相算正，但機內銳化真係太勁，想自然一點都唔得。
有次睇到一位影友用U11影得出神入化，買了U11後聽影友介紹去XDA搵Google Camera HDR+，即刻去海港城新位試夜景，G Cam用了多幅重疊技術，成像竟然可以冇渣，色好出，仲要係手持，ISO維持最低79，我即刻用X100F做對比，類似setting，X100F有手震同乾淨程度只係贏少少，足見U11威力。
希望HTC唔好咁快執，同埋下一代機加返耳機孔。98人覺得這評論有幫助這篇評論對你有幫助嗎？有幫助 沒幫助PKHONDA1993(1個心得)2017-09-08 00:48:19推薦此產品使用了 2 個月平凡中見不平凡優點:- 相機質素調較頂級 , 自然 .
- 前置喇叭音質比上代有很大進步 .
- 邊框控制功能未算豐富 , 但操控直接簡單 .
- 電量不多但續航力超乎想象 .缺點:- 機身略大 , 且較重 .
- 屏幕佔有率不高 , 浪費 .
- 系統貼近原生 , 不適合希望快速上手的用家 .評價:價錢在在各品牌中略為優勝 , 相機表現會是主要決定因素 .75人覺得這評論有幫助這篇評論對你有幫助嗎？有幫助 沒幫助kendrickho(4個心得)2017-09-01 11:49:13推薦此產品使用了 1 個月另眼相看的htc優點:1. config冇得輸 (835, 6GB ram, 128GB rom UFS2.1)，用落真心爽快
2. 相機鏡頭掂
3. Edge Sense 單手影相好方便
4. 系統簡潔，冇乜內置廢app
5. 機背玻璃靚缺點:1. 機背玻璃一跌就GG，要用得好小心
2. 冇左3.5mm 耳筒插口
3. 冇wifi calling功能評價:冇用htc好長一段時間，呢部U11真係令我對佢另眼相看，值得推薦76人覺得這評論有幫助這篇評論對你有幫助嗎？有幫助 沒幫助kitmax(6個心得)2017-08-26 14:30:41推薦此產品使用了 2 個月U11優點:電量打機都用到一日
螢幕色真
835u速度快6g ram
影相靚
聲大
壓力鍵創新好用
天線接收比三叔好缺點:部機原裝程式唔太得
嚴重殺後台，6g ram無用武之地評價:本身就係貪佢有手套模式先由三叔轉過黎，一用就發現佢home唔支持手套模式，差點想飛部機落街，htc設計師思維去到邊心知肚明，仲有會有時無左收音咪功能，但通話沒問題，但視像，拍影片，錄音會用唔到，打去HTC問佢都答你唔到，之後要原工廠設定先得，但我發現原來重啟就解決到，本身係三叔死忠但佢一路走灣路由搞曲芒，取消手套模式，無得換電，無收音機，無得真雙卡，每次更新都問題多多等等，開始想試下其他手機，總體u11現時比起其他手機都不錯的51人覺得這評論有幫助這篇評論對你有幫助嗎？有幫助 沒幫助hakee(11個心得)2017-08-08 15:40:50推薦此產品使用了 1 個月簡潔，快速優點:快
影相又快又靚
背色迷人 （銀藍）
QC3.0充電快
用QC3.0 USB充電電池一樣快
不打機，看看新聞FB，可以2日先充電缺點:正面不美，冇乜特別
沒有耳筒孔評價:由V10 3T 來U11，它比3T還爽
系統比較簡約，很爽
打機也不太熱
又可以play HiRes
Edge好用，單手時最實用
正面外型太common，太似3T
Apps的compatibility沒3T時的問題37人覺得這評論有幫助這篇評論對你有幫助嗎？有幫助 沒幫助iorileung(27個心得)2017-07-12 19:17:03推薦此產品使用了 20 日HTC U11超越 Samsung S7 Egdg，值得購買。優點:機身做工好, 藍色顏色迷人
四千尾價錢合理
冇太多垃圾apps
送透明硬膠殼，新機唔使急住買殼
個mon 啲顏色好鮮艷
電力夠8-9個小時用
有防水功能
6G Ram + 128G Rom 夠晒用
機身不太重缺點:無藍光過濾功能
無得揀營幕降低功能（2K降低至1080P）
用外置充電會係慢充，快充就要原廠外置電評價:手機整體內外功能已經超越 S7 Egdg，未來更可以升級8.0，值得購買。最後更新：2017-07-13 20:50:1670人覺得這評論有幫助這篇評論對你有幫助嗎？有幫助 沒幫助laitim2002(52個心得)2017-06-12 10:51:38推薦此產品使用了 7 日正!但不合手機白痴用!優點:4.5G 明顯上網快咗
手機機身 做工好 顏色 迷人
Wifi上網超級快
四千尾至五千頭價錢合理
冇乜垃圾apps
好在有跟埋 usb type-c 轉3.5.mm使唔買
有透明硬膠殼跟， 新機唔使急住買殼
835 cpu和ddr4 6gb ram 爽快! 機身唔發熱!
個mon 啲顏色無味精好唔好就見仁見智啦!
防水
指紋識別放前面好方便( 部機放喺張枱度,都開到鎖, 唔似得v20要下下拎起部機)
極少又有返三個實體鍵
通話畀v20清晰缺點:弧形mon， mon貼難買 好難買!
機身好跣手好怕跌
話就話冇乜垃圾apps連原廠player都冇要自己download( 只得google player)
買咗兩日電就唔評論啦但係都唔算太好但係又好似唔係咁差，一日剛剛夠用，帶多個流動電唔少得!(玩多兩日部機用電比v20好少少、 基本一日絕對夠用， 但你想連續打機5 6個鐘就唔好諗啦,乜phone 都死, 如想打機連續五六個鐘用ps4或者桌上電腦啦,24個鐘都得呀，除咗個人!)
妖!!!!!用佢耳機可用增強音質功能、但用佢轉3.5頭用其他耳機就唔得!妖!!!!!(真陰質)評價:本身用開v20,部機都係唔錯,但是都係
屎忽痕換咗u11!
但換咗都係比v20好好多!
我本身屋企用緊1g網速上網 , 之前v20 download 4g東西要兩小時,而家U11用咗20分鐘超快!(但 你用的家用網絡得100或者500mb的話咁就唔知喇,仲有你個router一定要有得行ac, 如果冇的話, 行唔到咁快,就唔好周圍鬧人啦!)
相機雖然1200萬像素, 但係都係唔差,影出D相幾利幾立體, 有啲似olympus機影出嚟, 起碼唔 油畫feel,質素係旗艦機中上水平!( 有D機像素高並不代表靚!完!)
4K 拍片只,得一分鐘但對我唔乜所謂,我好少拍片！
而家機價已新機計係算平, 有啲電訊商四千七左右買得到但係要(客戶),大舖平均都要5300, 比起其他大牌子佢都係平一節! 仲有啲大陸牌子 買成六千幾蚊,4.5G都行唔到呀! 仲有日本牌子嗰部仲少2G ram同埋64Grom仲要貴過佢幾百 , 韓國牌子要貴過佢千五蚊, 大陸平價牌子又冇行貨 ,水貨都4千幾蚊, 壞咗都唔知去邊度整呀!
聽歌音質係唔錯, 佢本身跟機耳機都唔差 , 耳機做工都唔少嘢( 我覺得做工 一定好過v20跟的b&o耳機， 我煲了兩三日個htc耳機啲聲都畀b&o好，低音又重啲)！ 兩部機的聲音風格唔同, 我覺得u11聲音篇柔,推力比20好, 我用佢個kkbox下載歌曲試聽都唔錯,最衰 7日後下載歌曲要畀錢 , 佢同v20一樣,一般mp3 dap可以慳番唔使買,但 始終要用usb type-c 轉番3.5 mm至用得其他耳機,有啲麻煩! 如果有出usb type-c升級線係mmcx頭咁就好喇!
話就話冇乜垃圾apps,但係好多apps都要自己下載, 如果有啲人連app都唔識download嘅話, 最好都要諗下先啦!( 我成日見到啲阿叔阿嬸係有HK人, 換機將啲相 上載咗雲端, 換咗機後走咗,轉頭再返去鬧個sales,點解冇曬啲相, 個sales就好客氣同個阿叔阿嬸講,你未login入去呀, 跟住啲阿叔阿嬸話,你唔好呃我,要login入去嘅咩! 你唔好當我唔識喎! 最後 都係要死死地氣叫個sales幫佢 login入去 , 所以唔識唔緊要最緊要有禮貌啲去問, 唔使下下一開始就鬧人嘅,我一年起碼見過四五次,我買呢部u11都有一次, 講完題外話, 而家做sales同埋客戶服務部真係慘!)
你會覺得好煩, 播放器同埋檔案管理員都要自己download, 但部機識得用其實幾好用!
仲有一個手握緊部機開app功能都幾得意,可開相機和影相!
以往換機， 好少有升級部機嘅感覺， 今次就有好似i3換了i7嘅感覺！
唔錯唔錯!最後更新：2017-06-19 18:20:00148人覺得這評論有幫助這篇評論對你有幫助嗎？有幫助 沒幫助
12下一頁
為產品評分
關閉
為產品評分
以 5 星為最高評分，你對 HTC U11 的評分是?
外觀設計:
功能及特色:
操作及性能:
影像質素:
性價比:
立即評分